Эхэ орондоо, түрэһэн тоонто нютагтаа дурлал хадаа гол шухала баялигуудай нэгэн болохо хэлэеэ хүндэлһэнһөө эхитэй. Энэ ушарһаа Түрэл хэлэнэй уласхоорондын үдэр хүн бүхэндэ хабаатай гэхэдэ алдуугуй.

Арад бүхэнэй хэлэн түүхэ ба мүнөөнэй үе саг, заншал ба шэнэ онол аргануудые холбодог гээшэ.

Баян, хурса, түбшэн даруу, уян нугархай - манай буряад хэлэн. Жэнхэни хэлэн дээрээ харилсаха шадабаритай хүн бүхэн бэлигээрээ омогорхохо еһотой. Хэлэмнай улам бури хүгжэг, гое һайхан, дэмбэрэлтэ үгэнүүдые бэлэглэг, үдэр бүрииемнай зоригжуулаг, шэмэглэг!

Мүнөөдэр гүнзэгы удха шанартай энэ үдэрэй хэмжээндэ Үбэр Байгалай хизаараар буряад соел хүгжөөлгын түбэй ажалтад болон тойрогой соелшод Александр Пушкинай 225 жэлэй ойн баярта дашарамдуулан, суута уран шүлэгшэнэй “Сказка о золотом петушке” шүлэгынь буряад хэлэн дээрэ уншан дамжуулна. “Алтан тахяа тухай үльгэрэй” оршуулагша - Бурядай элитэ уран зохеолшон Гунга Чимитов.

https://disk.yandex.ru/i/LbbQPLYBD_oRgg